mércores, 30 de novembro de 2011
Tío Lobo
Onte, na Biblioteca do cole, as nenas e os nenos de 2º léronlle o conto de Tío Lobo ao alumnado de Infantil. Tamén lle fixeron un pequeno agasallo, o conto ilustrado por eles.
xoves, 17 de novembro de 2011
Que festa tan divertida!!
Por fin chegou un bo día para facer o magosto, tivemos que retrasalo unha semana pero mereceu a pena, o día estivo espléndido. Os nenos e as nenas participaron nos xogos, comeron castañas e fixeron o que máis lles gusta, emborrallarse.
mércores, 16 de novembro de 2011
Magosto/11
Temos todo preparado para o magosto: os xogos, a leña, as castañas..., falta que nos acompañe O TEMPO!
Teremos sorte mañá?
venres, 11 de novembro de 2011
Leo, leo... que les?
Este e o título que eliximos para o TEMA NÚCLEO deste curso que xira arredor da mellora da COMPRENSIÓN LECTORA.
O noso obxectivo fundamental é promover nos nosos alumnos a utilización de estratexias que lles permitan interpretar e comprender de forma autónoma os textos escritos. Os profesores/as tamén temos que actualizarnos polo que estamos participando nun curso de formación no propio Centro.
venres, 4 de novembro de 2011
Roni celebra o Samaín
Aquí podemos ver a Roni, a mascota da nosa biblioteca, co disfraz que utilizou para celebrar o Samaín. Está moi preparado, neste caso, a súa asesora de imaxe para esta festa tivo moito que ver. Noraboa Laura, bo traballo.
Subscribirse a:
Publicacións (Atom)