Onte os alumnos e alumnas da clase de 6º de primaria, xunto coa axuda da profe de AL (Luz), tivemos na biblioteca do cole unha actividade TIC moi interesante, tratábase dunha videoconferencia online dende o parque temático de Tenerife "Loro Parque".
Ademais estábamos en liña con outros dous colexios doutras partes de España, e todos podiamos ler as preguntas que facían os demais e que a monitora ía respondendo polo micrófono.
O tema que tratamos foi sobre os gorilas, e aprendemos moitas couas deles.
Ademais de coñecer que están en grave perigo de extinción, puidemos ver onde viven, que comen, os seus costumes...
Tamén nos explicaron que son moi parecidos aos humáns, ao igual ca nós teñen diferenzas físicas. Como por exemplo os distintos tipos de fuciños que teñen ,e do que fixemos unha actividade para recoñecelos.
Pasámolo moi ben e fixemos moitas preguntas que un compañeiro da clase, que nomeamos como encargado, ía escribindo na ventá de chat.
Ao final puidemos saudar a monitora por nós mesmos, pois conectouse con nós a través da nosa web cam.
Moitas Grazas a Loro Parque por esta actividade, esperamos ter novas oportunidades de facer cousas con vos o próximo curso.
Noraboa aos nenos e nenas e á profe Cloti por este estupendo traballo.
ResponderEliminar